أنت إنسان ؟؟!
قالك ده طلع إنسان ..هاتوه
فهموه إنه مجرد كائن و عرفوه
إننا هنا بنسمع الكلام اللي بيقلوه
و مبنفكرش التفكير كفر.. حرموه
و
الفن و الفكر نور .. بيقتلوه
وكل بيت شعر بيصرخ بيخرسوه
و لو جوانا إنسان حيّ بيدفنوه
و لو حد إضايق.. بيبسطــوه
و يسحلوه...
بعدين يسألوه..
****
بس الكائنات مش بتسمع و لا بترد
أما البني آدميين بتثور و ديماً ضد
كل إللي يسكتها و مبيركعوش لحد
ملحوظة : تلك القصيدة في المطلق و أي إسقاط
علي الواقع هو ما يدور في عقلك سيدي القارئ
كتابة : خالد أحمد
No comments:
Post a Comment