هو اللي بيبكي و يرمي الإفيه
هو اللي بيضحك و الدمعة في عينيه
هو البردان اللي بيدفي اللي حواليه
هو
اللي بيجاوب و يسأل ليه؟
فاكر نفسه ضاحك علي الدنيا..
و هي اللي ضحكة عليه
هو أصلاً ميعرفش هو ايه
هو مَعرفش يحب و لا يكره و لا....
يفرح
هو اللي لا بالعامية و لا الفصحة عِرف يشرح
هو اللي لا عِرف يجمع ولا يطرح
هو خروف بقرون مبيعرفش ينطح
هو القاسي اللي مبيعرفش يجرح
هو عامل مركزمع أنه علطول بيسرح
هو مبيعرفش يعوم بس في أفكاره بيسبح
و في عز حزنه بيصلي و يسَّبح
إنه يعرف هو ايه.. محال
يعرف إزاي و هو بيجاوب السؤال....
بسؤال
هو من الآخر زبداية مكس
جواة كل حاجة و العكس
No comments:
Post a Comment